दशैं हो यो चाड हाम्रो पर्व नेपालीको
शुभइच्छा आदान प्रदान दिन मिलनको ।
यस्तो शुभ साइतलाई रगतले पोत्छौ
आमा खुशी पार्ने निहुमा अर्को सन्तान ढाल्छौ ।
निर्दोष सोझालाई देखी नसहने
सोझोपनको उपहास लाई धर्म ठान्ने ?
धर्म होइन पशुवलि घोरतम् पाखण्ड
विवेक कसरी भयो यस्तो खण्ड खण्ड ।
आफूलाई सवैभन्दा प्यारो को हो सम्झ
आफ्नै ज्यान प्यारो लाग्छ हो कि होइन बुझ ।
उस्लाइ नि प्यारो होला उस्को आफ्नो ज्यान
यति पनि बुझ्दैनौ त बुद्धि छ कि छैन
वलि दिइ पशुलाई स्वर्ग पठाउछौ रे
आफ्नै छोरो सँग सोध – जान्छु भन्छ रे ?
पूजा त हो आफूलाई गर्नु समर्पण
अहं मम तोड्नलाई वढाउन धर्म
जस्तो विउ रापिन्छ हो उस्तै फल खान्छ
प्रकृतिको साधा नियम जटील किन लाग्छ ?
हिंसाको संस्कार रोप्ने होइन बुझौं
मैत्री र करुणाको सन्देश लौ बाँडौं ।
मिति २०६७ असोज २३ शनिवार (२०१० अक्टोवर, ९)
No comments:
Post a Comment