प्रेम अर्थको खोजी

प्रेम चाहनु मात्र होइन

प्रेम पाउनु मात्र नि होइन

न त प्रेम गुमाउनु मात्र हो

कि प्रेम तृष्णा हो त ?

जसले जलन बढाउँछ ।

कि प्रेम त्रास हो ?

जसले मिलनतिर धकेल्छ

विछोडलाई पर्खन

के प्रेम वन्धन हो त ?

स्वतन्त्रतालाई कैद गर्ने

वा त्यो वहाना हो ?

आफूलाई विर्सिने

मेरो बुझाइ प्रेमको अर्थ

क्षण क्षणमा वदलिरहेछ ।

शब्दमा कोर्ने धृष्टता मेरो

के यो सम्भव होला र ?

वन्धन, त्यसैमा अडेको समर्पण

समर्पणको उपज निस्वार्थता

निस्वार्थतामा अडेको सुख

त्यहिं सुखानुभवको भोको म

त्यसको जननी प्रेम हो सम्झिन्छु ।

फेरी बुझाइ फिर्ने हो कि ?

नविन बुझाइको पर्खाइमा छु ।

जीवन - यो अर्थ बुझ्ने स्कूलमा

प्रेमको अर्थ खोजी रहेको छु ।

प्रेममा आफ्नो अर्थ खोजी रहेको छु ।

आफुमा प्रेमको अर्थ खोजी रहेको छु ।

२०६७ फागुन २ सोमवार (Feb 14, 2011)

Trondheim, Norway

Published in Mysansar.com