कवि दुर्गालाल श्रेष्ठ
सुंक छकः द्यन्य, लीमत्य बाबा
अय् चिन्तन, दः लीमत्य छं
नय्धुन, त्वनेधुन, मन्त मगागु
अय् पापी द तीमत्य छं
बिन्ति, छझाः जक जुसां म्हन्यब्यु
म्हगसय् जक सां तन्यब्यु जितः,
ज्वलय् मखंसां म्वाःल छुयाय् ज्यु
द्यना न्ह्यलय्सां खन्यब्यु जितः ।
खन्यब्यु जितः अय् बाबा, खन्यब्यु
मिलिक्क हे थजु थःत थमं,
सिगु इलय्सां ख्वय्ब्यु छझाः दः
थःत थमं हे लुमं लुमं ।
No comments:
Post a Comment