स्वाँ छफ्वः हे , जक दु जिके न्है
दुने नुगःया दुने दुने ह्वःगु
थःम्हं हे उगु मखना च्वँगु
ह्वःगु जुया च्वन दुने दुने जिगु
ह्वःगु व दै धका ब्वनागु, न्यनागु
दुमस्वया थः दुने, पत्यार मजुया
ह्वय् ब्यात, पिब्वल व, पनेगु जीं गथे फै
ह्वल गुम्हस्या लागि, गथे वं खनजुइ
नतमस्तक जी, लल्हानाच्वना
मतिनाया ह्वःगु व स्वाँचा छफ्वः
गथु गुजाम्ह जुइ, धाय् मसम्ह
स्वाँया पलेसा काय्गु छु जुइ
लः ल्हाय्वं हे जाःथे जुया वल
भर भर भर भय बिइक दासि
अहो ! गुज्यागु थ्व धाय् हे मसःगु
येति मतिनाया उलि मछि
No comments:
Post a Comment