छु जुया वःगु संसार

हे बुद्ध भगवान् छु जुया वःगु संसार - २
शान्तिया लँपु तोफिना हिंसा व स्वार्थय् दुविना - २
हे बुद्ध भगवान् छु जुया वःगु संसार

विकृति व विसंगति न्ह्याथाय्
शान्ति मदु गनं छथ्थाय्
हिंसा व हत्या न्यँ न्यँ थाय्
तृष्णा अहंकार स्वः स्वः थाय्

थःथःगु स्वार्थ पुवंकेत
न्ह्यागु यायेतनं लिफ मस्वः
पलखया सुखय् सुखी जुइत
अमूल्य जीवन छको मस्वः

मन स्थिर मजू वँ वँ थाय्
दुःख जुल थन च्वँ च्वँ थाय्
क्रान्ति यासाँ शान्ति मखना
भ्रान्ति जक थन खना



च्वमी - जोगरत्न वज्राचार्य
लय् - दिपक वज्राचार्य
सः - दिपक वज्राचार्य
संगीत संयोजन - फिरोज वज्राचार्य
निर्माण - गुइतः ज्ञानमाला भजन खलः 
मिति - २०७३ फागुन

मैत्रीवान् मनू

ज्ञानी मनू जव दुःखय् लार्इ
ख्वइ मखु वरू वं थ्वीका काइ
मैत्री पिज्वयेका क्षान्ति तुतानं
चुइ फत धासा मन छाय् खाइ

तम्व ख्वाः पिं मनुते न्ह्योने
मुसुहुँ न्हिला वँ युद्ध त्याकिर्इ
वयागु व न्हिलासु लित मवसाँ
दैमखु वइत ताप छतिं

ज्ञान मत नित्य च्याका च्वनी
नस्वाः सकभनं ह्वला च्वनी
मैत्री करुणाया पला छिनांवं
न्हिला न्हिला व सि सयेकि

दुग्यंगु ज्ञान लुइकि

स्यु जिं थु जिं नित्य मखु छुँ
'जि' 'जिगु' नं ब्यर्थ धका
अय्न छाय् थौं डाह जुया च्वन
थूम्ह स्यूम्ह अय् मन धाम्ह !


पाय्गु उन थेँ अंग: द्योने
तज्याःभु किक उनया ल्यूने
द्योने द्योने जक इलाँ मगाः न्हा
ज्ञान दुग्यँक लुइके माः

हुये खिति मन निर्मल यायेवं
ज्ञानया मत जः लुइके धुनेवं
नस्वाः ह्वले फै सकभनं अले
ख्युतना वनी थः दुने