ज्ञान छुयायेत

स्यु जिं थु जिं नित्य मखु छुँ

जि जिगु नं ब्यर्थ धका

अय्न छाय् थौं डाह जुया च्वन

थूम्ह स्यूम्ह मन चखुँ

अस्त्र धका कोवियागु व ज्ञान

माःवले पिज्वय्के मफु

माःवले ज्याः छ्यले मदुगु

ज्ञाँ सिवे ला ब्याँ थजु

पाय्गु उन थेँ अंगल द्योने

तज्याःभु किक उनया ल्यूने

द्योने द्योने दयाँ मगाःगु

हा स्वच्चाक्क पि माःगु खनि

हुये खिति मन निर्मल यायेवं

चाकुगु तिं अन जायेके धुनेवं

नस्वा ह्वले फै सकभनं अले

ख्युतना वनी थः दुने

उम्ह मनुया जव डाह जुइ

ख्वइ मखु वरू थ्वीका काइ

मैत्री पिज्वइ व क्षान्ति तुतानं

चुइ फत धासा मन छाय् खाइ

तम्व ख्वाः पिं मनुते न्ह्योने

मुसुहुँ न्हिला जिं क्यने फयेमा

जिगु व न्हिलासु लित मवसाँ

म्वाल छुयाये ज्यू उकिनं थजु

जीवन गंगाय् छाल मवइला

लालकाय्गु स्यँ वःगु खः वँ

गुरु भापियेगु छाल विषम व

ह्वता ब्यूगु छ्यलेत ज्याभः

ज्ञान मत नित च्याके फयेमा

नस्वाः सकभनं ह्वले फयेमा

मैत्री करुणाया पला छिनांवं

न्हिला न्हिला जि सि दयेमा