मू ज्यात गथु नं मतिनाया स्वाँ या

दुबिना स्वया जीं, लना लना स्वया

मू छु जुइ उगु मतिनाया स्वाँया

येय्चा जक सा, मय् व मतिना नं

यः हे मयः उगु हावलासा जक सा

लंके मफुगु छगु ल्वय् घाना तया

झ्यातुया च्वंगु दुनेया जीगु ‘जी’

जः त्वया च्वंगु खना जीं मतिनाय्

त्राण बिइफुगु ल्वय् व पाखेँ

मतिना येति जव वासः जुया बिइ

‘जी’ गना वनी, सुना सुना वनी

‘जी’ तनि गुवले सुच्चुक नुगलं

उवले हे दै मू व स्वाँया

नुगः निगु मखु, जीं स्यु छं नं स्यु

जीगु ‘जी’ तन अन छंगु ‘छ’

मतिना सवा ताइ उवले हे तिनी

सार मनु जुनी जुगु थें चाइ

सत्य व ख्वखना, जः व ख्यू खः

‘जी’ तने धुनेवं, सत्य खनावै

मतिना ल्यनी, दक्व येय्चा प्वनी

ख्वय्त माःगु फुक्क हेतु तनी

सत्य वहे खः, जगतया हिलासु

नाप्पं थौं झी, न्ह्यावलें गन दै

सीगू जी न्यना नं, ख्वय् छं मवय्मा

जः या न्ह्यो नं, गनं ख्युँ च्वने फइ