सुख यो न्ह्याम्हस्याँ सुख यो

सुख यो न्ह्याम्हस्याँ सुख यो, दुःख मयो सुयाँ दुःख मयो

झिगु जीवनय् सुख सिइ योसा सुख सिइगु लँपु म्हसिइकि

झिगु जीवनय् सुख न्ह्यावलेँ, लोँहिटि हाः थेँ हाया च्वनी 

प्राणि हिसा खुँ ज्या त्वती, त्वती यायेगु ब्यभिचार 

मखुगु खँ अयला थ्वँ, त्वती त्वनेगु त्वती

झिगु जीवनय् सुख न्ह्यावलेँ, लोँहिटि हाः थेँ हाया च्वनी 

निन्हु प्यन्हुया थ्व जिन्दगानी, छुकिया मोहनी स्वन्ती

सिना वनिगु स्वर्ग त्वती, थनहे स्वर्ग लुइकि

झिगु जीवनय् सुख न्ह्यावलेँ, लोँहिटि हाः थेँ हाया च्वनी 

लुम्बिनीइ बुम्ह शाक्यमुनी नेपाल धात्थे भाग्यमानी

बुद्ध  शिक्षा पालन यासा सकलेँ जुइ थन भिं सुखी

झिगु जीवनय् सुख न्ह्यावलेँ, लोँहिटि हाः थेँ हाया च्वनी 

सुख यो न्ह्याम्हस्याँ सुख यो, दुःख मयो सुयाँ दुःख मयो

झिगु जीवनय् सुख सिइ योसा सुख सिइगु लँपु म्हसिइकि

झिगु जीवनय् सुख न्ह्यावलेँ, लोँहिटि हाः थेँ हाया च्वनी 

नुग सिले छुकिं धारे नुग सिले छुकिं

नुग सिले छुकिं धारे  नुग सिले छुकिं

मो ल्हुया म्ह सिलेथेँ नुग सिले छुकिं

भजनला गुलियाना गुलि याना दान
एकान्तस वना गुलि यायेधुन ध्यान

छु छु याना छुँ हे मजु मन तये छुकिं

मफु कारे मफु कारे मन तये छुकिं

मो ल्हुया म्ह सिलेथेँ नुग सिले छुकिं

सलयात लगाम दु किसियात माग

मनयात धासा हाये मन हे तुं धाग

तृष्णाया चलाचित चिना तये छुकिं

मफु कारे मफु कारे चिना तये छुकिं

मो ल्हुया म्ह सिलेथेँ नुग सिले छुकिं

हाकः हुया यचुकेथेँ ह्यँग्वालया पाल

खितिसिवे मखु मन ज्ञानी जन धाल

धयाँजक छुयाय् कारे धकिं उले छुकिं

मफु कारे मफु कारे धकिं उले छुकिं

मो ल्हुया म्ह सिलेथेँ नुग सिले छुकिं

नुग सिले छुकिं धारे  नुग सिले छुकिं

मो ल्हुया म्ह सिलेथेँ नुग सिले छुकिं